زيارة حب . . . .

انتى جاية و فى طريقك
كلمى الناس فى فريقك
قولى لى كل البلاقيك
انى ماشة ازور حبيبى
ماشة بى رفقة صديقة
احكى للناس عن هواكى
عن حبيب رادك حقيقة
عن حلم جمُل سماك
عن امل جواك اخضر
عن حنان فى متلو يندر
عن احاسيسوا العميقة
ضوى للناس الشوارع
لونى الكون بى مشاعرك
قولى للناس الحقيقة
كلميهم لو قدرتى
قولى ليهم سر كلامك
و لو كمان بالقول خجلتى
بى عيونك بابتسامك
و للبيفهم بالاشارة
و لو غلبتى مع سلامك
المهم احساسك اوصل
و يعرف الناس عن غرامك
فيها اية لو نحنا قلنا
بحنا بالريد و المشاعر
قلنا للناس عن فرحنا
و صرتا بالاحساس بفاخر
ما الغرام من الله نعمة
جوة فى وجدانا طاهر
و الله قال بالنعمة حدث
يلا بيها نقوم نجاهر
و لو حصل بس قالوا عنك
ما يهمك اية يقولوا
ابقى اعرفى انتى انك
فينى ريدك بى شتولو
و انى جد بهواك و منك
و ما يهمك اية يقولوا
مهما قالوا و ساءوا ظنك
مستحيل لسماك يطولوا