مجبور أسامحك . .

مجبور أسامحك

مجبور أسامحك عشان بحبك
و مهما تبعدي عني انتي محال خطايا تسيبو دربك
لأنك انت الريد و حسي و كل معاني بتحلا قربك
سيبي العناد و تعال نواصل قصة حلوة و أبقى جنبك
****
شان نعيشها بكل حنان و نبقى قصة ريد جميلة
نبقى للعاشقين منارة و موجة هادية تعيش في نيله
تهدهد الشوق المعانا و نقضي لحظاتنا الجميلة
بين ضفاف النيل و موجو ، خضرة شواطيهو الخميلة
****
نفرش الهنا في دروبنا نحقق أحلامنا و منانا
تبسم الدنيا و تغرّد كل طيور الريد معانا
و الرياحين و الأزاهر كل روضاتنا و جنانا
تملا قاحل الدنيا خضرة يفوح عبيره تميس معانا
****
كمان فراشات الخمايل تشدو بي ريدنا الجميل
و النسايم بي شذاها تنشر الحب النبيل
من ربوع وادينا ينهل كل محب يغرف يشيل
تملا دنياهو المودة يزول شقاهو الكان قبيل