سودانا المثالي . .

سودانا المثالي

وطني الحبيب مالي القلوب أشواق
حاضناهو الجروف الخضرة ليهو أرزاق
من خيرو العميم ننهل نعيم دفاق
ليهو نجود بالغالي و نشيلو في الأحداق
****
سودانا المثالي بين الأمم معروف
كاسياهو المهابة و دانية ليهو قطوف
قبلة للدايرين سلام و إغاثة للملهوف
و لي حماك يا بلدي واقفين صفوف و صفوف
****
يا وطني السمح و أصيل ليك فرسان حوبة
ما بيهابو الموت و الحارة يتباشروبا
وكت الحوبة جات الروح عديل جادوبا
حافظين للقيم حافظين عروض و عروبة
****
سودان العفاف لابس المهابة إكليل
شرعنا الإسلام نعاهدو ما بنميل
قرءان ربنا بنقابلو بالتهليل
و الشرعو الإله ما فيش سواهو بديل