ترتاح خطاك . .

موضوع: ترتاح خطاك . . الإثنين مارس 05, 2012 3:15 pm

ترتاح خطاك

رحل الحنان من دنيتي خلا الضنا
خلّا الحزن شمتان يردد في الغنا
آهات تحوم تحرق فؤادي الانحنا
بين المواجع وجعتي بانت عنا
هرب الحنان خلا المواجع شغلها الشاغل أنا
خلا الأحزان في حشاي مستوطنة
ايه ذنبي لو عشته الحنين ظنيتو حبي ضد فنا
ايه ذنبي لو أهديها روحي للحبيب أو أرهنا
ايه ذنبي لو قلت الزمن محال يبدل عشقنا
ما كنت فاكر في الخيال انو الزمن ضد سعدنا
و لا حتى فكرته الحبيب يقسا و يخْرِب عشنا
الضمه ريدنا سنين عمر عارف و ساتر سرنا
بس للأسف حرق الأمان كسر القلب سرق المنا
بس للأسف باع الوداد الكان مضمد جرحنا
و هداهو قلبو لي سواي دون حتى كبير عنا
فتر الصبر و الروح وراك مبشتنا
في الآخر بتمنى ليك كل الهنا
ترتاح خطاك ترسى و تشوف كل المنا