عبد الرحمن أحمد عبد الله
المــــــدير العـــــام
عدد المساهمات : 151
تاريخ التسجيل : 02/02/2012
 | موضوع: ليه يا زمن؟؟  الإثنين مارس 05, 2012 3:12 pm | |
| ليه يا زمن؟؟
الحزن لبس السواد لما شاف حالي العلي
لما شاف البسمة غابت و الزمن خالف لي كي
و القلب كسرو الزمن غاب أقرب الأحباب الي
***
ليه يا زمن تدْمي الفؤاد تسرق أسباب الهنا
تملا المحاجر بالدموع تحرم قليبي من الغنا
تحرم الليل النجوم تسرق القمرة و تدفنا
تحرم البيد من رماله و الرياض من سوسنا
تفطم فراشك بالحناضل بعد الرحيق درّا و حنا
تكتل الحب اللي عاش زمن طويل رغم العنا
رغم الصعاب رغم الهوايل لا كلّ صبرو و لا ونا
****
ليه يا زمن شلناك كتير ليالي حانية و محزنة
رمينا سرنا بين يديك حلمنا انك ضلنا
حلمنا بيك خالص النوايا عِشمنا انك أمنا
****
ليه تهدم العش الحضنتو سنين طوال من الأساس
ليه تحرق القلب الرجاك تكون شريكو و ليهو ساس
ليه تبيعو شقا السنين لي سوايا بلا حواس
خدعتو صبري يا زمن و جرعتني المر كاس في كاس
ليه يا زمن
؟؟؟؟؟؟؟؟؟؟
| |
|
