حلو الكلام . . .

حلو الكلام

انتي دنيايا البتوحي للقلب حلو الكلام
اتمنى إني أكون ملاذك و ابقى ليك بسمة وئام
تمحي من قلبي الحزن و افرشو ليك وكت المنام
اصلو يا غالية القلب لولاك ما حسَّا السلام
**** *** *
ليك يا غالية فؤادي من كل زهرة روض رحيق
و ليك ننو العين سكن و ليك في جواي طريق
أقيدو من دمي السراج يبقى الدليل و ليك الرفيق
تهتديبو لي هوايا يطيب في دنياك المقام
*** ***
لو كنتي تعرفي حبي ليك يا غالية ما كنتي ابتعدتي
و عن هوايا الطارحو قلبي لحظة ما كنتي انبدلتي
إلا الزمن في يوم مصيرو يظهر الخافي الهجرتي
و لي ضميرك تبقي لايمة.. و يجفى عينيك المنام
*** ***
القلب يا ظالمة حباك و ديمة صاين للعهود
رغم انك بعتي ريدو بدل العتاب جبتي الصدود
ربي يعلم بالهدمتي ما ظني تاني في يوم يعود
حقيقة نار الغدر قاسية و كل لحظة تزيد ضرام