أمشي و تعال . . .

أمشي و تعال

أمشي و تعال ربي يعدل ليك طريق
ما الفراشات لما تعطش تاني بيجيبا الرحيق
و ان رفيقك صار عدو ..باللين بيرجع ليك رفيق
ما السمايم في الخريف تبقى النسيم تبقى الصديق
******
الغريب عن الديار مصيرو ليها في يوم يعود
و الجفاف بعد المحل بعد القنوط يسمع رعود
و الحبو صادق لو في يوم انت عليتلو السدود
أكيد في يوم تعرف حقيقتو .. الحق يسود
*****
أمشي و تعال ياني ليك الابتسامة
و ياني الفي صيفك دوام بظلك زي غمامة
و طبعي وافي ما برضى ليك ابداً ندامة
و يوم ما تجي تلقاني ليك بر السلامة
*****
أمشي و تعال ياني ليك طعم الغنا
و يومو التجي ترقص حروفي نغمة أدوزنه
بفرش دروبك بالرمال و ورود في كل الأمكنة
و لو هواكَ بعيد منال هوايا ليك ضد فنا
و لو هواكَ بعيد منال
هوايا ليك ضد فنا