كيف بس أنسى . .

كيف بس أنسى

كيف بس أنسى الحب الصادق
و سنين من عمري العشتها عاشق
آه لو تاني تعود و تصادق
بس أمانينا ما بايدينا
****
أصلو العاشق عمرو ما بيقسى
و لي أحبابو محال ما بينسى
لو حتى سقوهو المر الأقسى
يزيد الشوق يطوف حوالينا
****
و برضو كمان بتقولي ننسى
نعيشا حياتنا عادي و نرسى
و ننسى سنين ذكراها مرسى
كيف و الشوق فاضحاهو عينينا
****
أكيد حبيتي و صنتي الباعك
و ليهو كتير فارداهو شراعك
محال تنسي زيليهو قناعك
عيشي الذكرى رغم أنينا