معشوقة في الخاطر . .

معشوقة في الخاطر

يا سودان عبيرك في القلوب راشينا
في الهجير غيماتك مظللا وادينا
أرضك أمل موعود بالخضرة تكسينا
في البادية جدياتك تفرح تلاقينا
نيلك شواطيهو حضاراتو دخرينا
سودان عشم يومنا سودان عشم باكر
درة في الأحداق معشوقة في الخاطر
معزوفة شرقية تويا في الفاشر
جراري كردافي يشرح الخاطر
طنبور شمالية رقصات شايقية
زغرودة محرية أفراح مسيرية
أحلامنا وردية في وحدة وطنية
شايلنو طورية نخضّر بوادينا
عارفين جدعاتو لي كل متشالق
كايس أراضينا
غردون و شلاتو هكس و بنيدقاتو
اتعشمو و فاتو بل فيهم الماتو و خلّو لي رفاتو
من تاني انبعثوا ناسين علاقمنا
في اللقيا تلقونا لابسين عمايمنا
ذكرى حرائرنا في كورتي تلهمنا
مهيري كم والدي بنيّاتاً تداوينا
ياهن شقايقنا واقوداً يقوّينا
خلونا من زي ديل فينا المكفينا
فينا هم سودان دايرنو يد واحدة
دايرين نعدل الميل و القلوب شاهدة