قصـــتنا . .

موضوع: قصـــتنا . . الثلاثاء فبراير 28, 2012 9:15 am

قصتنــا
بالمعزه بالمودة البينا بي اغلى الصلات
بالهوى العشناهو بي اعصابنا خمسه سنين و مات
بالعذاب الشفتو والسر الكتمتو
وباقي الطيبات
استحلفك تترك سبيلي
وسيبني
واحضن أساي وابكي الذكريات
انا بي حنانى الغالي خصيتك و اصطفيتك
وحبيتك بكل جوانحى العميقة
انا شلت من اجلك هموم الدنيا
اهديتني من جراحها بكل طيبة
لسعادتك انت كم ضحيت
واتغربت ماخليت طريقه
فى مسيري المضني
من اجل الحقيقة
كل طائر مرتحل
عبر البحر قاصد الاهل
حملتو اشواقي الدفيقة
ليك يا حبيبي للوطن
لترابو لرمالو للدار الوريقة
لكن حنانك ليا
او حتى مشاعرك نحوي
ماكانت حقيقه كانت وهم
كانت دموع مسفوحه باحرف انيقة
ما بايدى لو ضباب الغيره اعماني
وزيف لى الحقيقة
انت نبع حناني انت كياني
انت الدنيا بهجتها
وشروقا و كل طيبة
وان حصل زلت خطاى معاك
اوضلت طريقها
هل تصدق تنتهي قصتنا
يا اجمل حقيقة
نحن عشناها بدموعنا
وبالضنا فى كل دقيقه
ياحبيبي لم تزل قصتنا
قصة حب اقوى من الحقيقة