نحنا عشمك ياوطن

نحن عشمك ياوطن
جينا من مليون ميل مربع
شعب صامد في المواجع

شعب واقف مابيركع

كل جرف من ترابك ليه نسقي وفيه نزرع
وكل ذرة من ترابك تبقي قمة تموج وتلمع
نمشي نوصل كل جائع في رحابك لازم يشبع
ونحن عشمك ياوطن
جينا من عمق العروبة
ومن سواد افريقيا لونا
شلنا همك في قلوبنا
وشلنا عشقك في عيونا
شلنا منك انو نبني وانو نعرف كيف نصونك
وانو ندفع ليك دايما واصلو مانقدر نخونك

وانو نعشق كل ترابك وكل ناسك
واي صورة يجيبها لونك
وجينا من بين الفك
ونونك حاجة في المليون مربع
بيها كل الدنيا تعرف
وبيها كل الكون بيسمع
من ترابك يالجنينة ومن حضارة مرة وحنينا
من ربوع تندلتي جوة ومن اصالة الفور ربينا

زي نغم نقارة تضرب ذي وقع مردوم بيقلب
فرحة ترتاح في عينينا
في ضفاف المينا عشنا
فيه نرقص ذي سفينة
جينا من فنجان وخنجر
لمة الشرق الامينة
من هياج القاش مرقنا
ذي اسودا في عرينة

من قنتي ومن كريمة شلنا في الطمبور نغني
نخلة قي ارضك تطاول ليك توهب كل حنينة
غرب بربر ولا شندي في الضواحي وفي المدينة
في شماللك عزة باقية فكرة ابدا مابنهينا
جوة غابات ياي وطنا وفي دروب ملكال سكنا
ونحن عشمك ياوطن

نحنا عشمك ياوطن

» تسلم ياوطن