يوسف حسين الفادني
نائب المدير العام
عدد المساهمات : 30
تاريخ التسجيل : 13/03/2012
 | موضوع: سبيكة الأعراق  الإثنين يوليو 23, 2012 1:56 pm | |
| المبدع عزمي أحمد حمد
سبيكة الأعراق
عشان تعرف شنو المافى
وقبال تمشى عرافى
اقيف فى اعلى قمة وشوف
وعاين للبلد من فوق
شنو المافى ؟
وطن حد ماالبصيره تشوف
مواريث من زمن عدّا
ملامح انبيا وصلاح
عقائد فينا ممتدا
محل ننزل نكون راكزين
جبال مابتقبل الهدّا
انحنا سبيكة الاعراق
طلعنا على البلد عِزّه
كتبنا على الشمس تاريخ
عشان العازه تتعزه
ولافينا الهوان مذلول
ولا الفى يوم نزل فزّا
على الدرب الصعب ماشين
ولا بنحتاج نقوم لزّه
بلد جنة وعليها النيل
تفاصيل جنة الكوثر
نخيل اكّد اصالتنا
مفدع بالسبيط اصفر
كدى اتخيل براك توتيل
واقيف اتأمل المنظر
يمين خايفك تغبى عديل
وتسرح بالخيال اكتر
بلد فيها التراب نحنا
مواريثنا الكتاب والسيف
عزاز من قمنا فى الدنيا
كرام رغم الجدب والصيف
وفُرّاس فى الدواس راكزين
نتم للعازه نحنا الكيف
بلد ماضى ويمين حاضر
ولا بتحتاج اغنيلا
بلد بلدى وعليها اقول
اسمح كل تفاصيلا
ونعطش فى رمالا سنين
تضُمنا بى حنان نيلا
نفوت ترجانا بالاحضان
واقيف عن حالى اشكيلا
تعالو معاى شان نتلم
نوحد للبلد رايه
تعالو معاى نقول حرّم
نوقف كل حرب جايه
ونتوحد رباطنا الدم
يكون حلم البلد آية
ومابنرتاح إذا مالم
نكون هادى البلد غاية | |
|
عبد الرحمن أحمد عبد الله
المــــــدير العـــــام
عدد المساهمات : 151
تاريخ التسجيل : 02/02/2012
| | موضوع: رد: سبيكة الأعراق الثلاثاء يوليو 24, 2012 6:59 am | |
| | |
|
