السستر

موضوع: السستر الإثنين يونيو 11, 2012 1:25 pm

انا العيان الحرارتي الضاربة فوق 200
لابنفع بخور تيمان ولابتنزل جنوف الجن
رقد سنين سريري تعب مركب في وريد درب
جحر عني يدخل فارة ام اسيسي اجر في نفسي بالسيسي
تقول مخنوق مصنقع فوق وكل مايوم يشلو الدم يذيدو
الهم ويقولو مقاسو طالع وطالع كموانا الساكت وغالبني
محل ما اشوفك اتكلم ومابسلم وحات البلي والشنبر
اكان قمت اقع في السلم اتكسر عشا ن تظهر تمر
بسلراير العنبر وتاخذ نبطي بت سستر
عيونا ذي عيونا براها تطعن بالابار مرضاها
ابرة ريق وفي منديل وما بتتعب تكركب في البلاط كركر
قليبي يدق يقول رب رب ونارو الليلة تتعلب دعنبر
كم وشايل كم دكاترتو كم وفت سستر وحايمة براها في السنتر
تجهجه في خليق اللهانا العيان حرارتي المابية تندلة
ادوش دوشة اهضرب هضربة زولا رقد في برش ختو رويسو
فوق بنبر ولما الناس تقول هستر وتتتغالط اظن هستر واظندستر
اظن بامية اظن كستر واظن شيظو واظن واكثر
ادق الطار واتحكر ادوبي اشكر السستر
اوصف في بنات اوى كضب كان قالو بداوى
واخر كلمة داوي الكي وما اظن ذاتو ينفع في
اشوف كل ما العيون ترمش وكل ما السلسلة تكشكش
اذوق اضارة في الكردور واحمر لبسة بقة نور
وخاتى الكاب علي الجنبة وراشة الريح فايحة زهور
تموت كرعي اقع واسحف وراك ترطور عشان ارتاح
عليك الله وعليك تفجخي راسي بصاطور