عشان ما نكمل المخزون ونبقى نكرر الاسبق
وقفنا عشان نشوف الجيم ونسمع دوشكا تتبرطع
وقفنا نقدر الرشاش ونسمع كلمة المدفع
نشوف الدانة وين بتدق وكيف الرايش اتقطع
ودايرين كل زول يعرف بعد سمونا دبابين عهدنا انو ما نرجع
ويعرف انو نحن اسود ونحنا دكاترة الميدان
ماشين مستشفى آل دباب نعالج كل زول عيان
كل زولا يخون اهلو يخون وطنو يسئ لي ملة الاسلام
مصاب بي حمة الدولار لو ما زارنا ببقي جبان
دا المستشفى شغلو عجيب .. علاج ومقابلات مجان ...
هناك في دشمة الدوشكا بتلقي عيادة الاسنان ...
مديرها وكيل عريف في الجيش بيعزف دوشكا زي الجان
قلع اضراس بي سونكي الجيم .. وحشوه بي رايش الميلان
وبي هناك غرفة الانعاش مشبعه الا بالدخان
ومستشفى العيون بي هناك .. بتفتح بابها في الازان ..
مديرها رقيب وشغلو عجيب بيصبح كل يوم زهجان
خريج جامعة توريت محضر في عمى الالوان ....
ورسم القلب اسهل حاجه عند ناس الدفاع قدام
أحدث جندي يعملو ليك يطبق فيك اصح قيام
يرسل بالتنشين وليك يا دنيا الف سلام
خسران حاجه من جيبك ؟؟! مش قلنا العلاج مجان
وعند ناس الجراحه هناك .. طبيب يسطأصل السرطان
يقص بي رايش الهاون لا يفرز لحم لا عضام ...
يكتب ليك علاج عملي مش قلنا العلاج مجان
وناس سرية المعمل .. قاعدي ليك في اعلي مكان
الطعانه سونكي كلاش .. طعنه تقطع الشريان
أغشى الصيدلية ضروري قبل توسع السكه اي عللاج بنصرفو ليك بس جيب لينا روشته
انتستين لغم مزروع .. ؟ يساعدك ساعة الجكه
والفرار علاج بلدي يفصل الراس من االجثة
نديك حامض الكاتيوشا استعمال صباح ومساء
هاك سترات كلاشنكوف شرابها يقطع الامعاء
حقن من قاذف القرنيت واحدة فطور واحدة عشاء
والتدوين علاج نفسي ... اضرب الدانة في خمسة
البندول زخيرة الهاوزر المحموله بالأجواء
تعال مستشفى آل دباب بتلقى الكان فقدتو زمان
مديرا الطبي أصلو شهيد معاوية الفي جنان سكران
تخصص أسلحة م . د تخصص الا في السودان .....
...............................
السبت مايو 12, 2012 12:52 pm