إســـفين . . .

موضوع: إســـفين . . . الثلاثاء أبريل 10, 2012 10:27 am

إسفين . . .

قسم ساستو من زمن للغرب منبطحين
من يوم رفعنا لوانا ملوهم زيف و حقد دفين
كتير حاول عدونا شتات لقانا عصينا على السكين
و برضو عصينا على المدفع على الجلاد سنين و سنين
دحرنا صفوف هزمنا تآمر و كل من جانا قاصد بين
و لما خلاص لقونا شداد و لي كل سحرهم داحرين
لفوا و جونا باسم السلم رفعوا الراية و اتاريهم بالغدر لابدين
و في نيفاشا دسوا السم و مضينا على فصل بلدنا بالايدين
استفتاء على التفريق نكون بلدين
نكون جيران و لي حق الجوار حافظين
اتاريهم لكل شرور الدنيا هم ضامرين
غدر خيانة لتمزيق الشمال قاصدين
زيف و خداع و لي نقض العهود زاحفين
قول للخونة انحنا زمان كنا أسود و كت الحوبة جد فازعين
قول للخونة أنحنا زمان في توريت معروفين
و في قيسان و في الكرمك أكيد الخونة ما ناسين
جند الله من كل البقاع زاحفين
ليحموا عروض ليحموا أرض ليحموا الدين
رمي الله ما نحنا بنقول رامين
و نصر الله بيديهو للصادقين
ما لي الفي جيوب الكفر دوام ساكنين
و دوام للغرب هم راكعين
و في أوساطنا جاسوسية مندسين
بتلقونا وش البامية داك ذاتو ما وشين
شيب و شباب و دبابين
شيب و شباب و دبابين
أحفظوا أرواحكم و شوفوا بلدكم و أهلها المساكين
عمروا و ابنوا خليناكم و من بلاويكم خلاص طاشين
أريت من بدري لو رحتوا في ستين
في نيفاشا قلنا خلاص سددنا الدين
لقيناكم معانا بلانا برضو نحنا خسرانين
أبداً ما بكينا فراقكم فرحنا كتير و محتفلين
أحسن تمشوا في حالكم و سيبوا الغرب غراب البين
قصدهم نهب ثرواتكم و يرموكم في الحروب نازفين
و في الميدان محال تتلاحق الكتفين
كتوفنا شايلا ذكر الله و قلوبنا قاصدة شهادة نصر مبين
كتوفكم شايلا لعمالة و قاصدة الفوز على مجاهدين!!
و كيف بتلاحقوا الكنفين ؟؟
فوتوا خلاص كرهناكم كرهنا حروب كرهنا إسفين
مدقوق فينا و انتوا جُحا . . تدخلوا تمرقوا صفر يدين
ما بنتلاقى في أعراف ، لا في ثقافة ، لا في ملة مشتركين
قلتو مصير شلتوا خلاص قلتوا سلام قلنا آمين
و لو لي مربع الحروب راجعين يمين جاهزين
نحنا غير ذكر الله ما عايزين
اما شهادة في الله اما النصر و التمكين
محال نركع لاسرائيل أو امريكا . . انتوا شنو ؟ يا تابعين

.........................................
اما شهادة في الله اما النصر و التمكين
اما شهادة في الله اما النصر و التمكين
اما شهادة في الله اما النصر و التمكين
اما شهادة في الله اما النصر و التمكين
.........................................